هاني نوفل
عدد المساهمات : 637
تاريخ التسجيل : 22/03/2011
 | موضوع: انتخبونى ... رئيسا للجمهورية  السبت مايو 21, 2011 5:38 pm | |
|
يا جماعة أنا قررت أخش انتخابات الرئاسة
أيوة ... أنا / هاني محمد نوفل
ممكن تساندوني و تقفوا جنبي و تنتخبوني ؟
طب اللي هينتخبني يرفع ايده كده
انا سامع واحد لمض بيسأل من بعيد بيقولي
برنامجك ايه ؟
أقولكوا يا جماعة
انا هخلي الحد الادني للأجور 4000 جنيه
هقعد الستات في البيت و أديهم المرتبات من غير شغل
هدي لكل شاب شقة سوبر لوكس
و عربية موديل 2011
و هجيبلوا العروسة لحد باب البيت
و ممكن اتجوزهاله كمان
هعمل تأمين صحي و علاج علي نفقة الدولة لكل مصري
و عملية تجميل هدية لكل واحد مش عاجبه منظره او بقه
او ودنه كبيرة
الخضار و الفاكهة و اللحمة بتاعة الشهر كله ع الحكومة
هخلي الشرطة تنحني كل ما تشوف مواطن مصري
و تقوله .... اتفضل يا سعادة الباشا
وجبة حمام بالفريك لكل اسرة مصرية كل اسبوع
هخلي السياحة تنتعش
لدرجة ممكن اخلي السياح يجولكم البيت
و يدفعوا لكم فلوس و هما ماشيين
هعمل حمام سباحة كبير في ميدان التحرير
لكل اللي عايز يتظاهر في الصيف و حران في نفس الوقت
هوافق علي اي نوع مظاهرة لاي حد حتي لو كانت شكوته
ان صباع رجله الصغير بيوجعه
التعليم ببلاش و الكتب مجانا و الدروس الخصوصية ببلاش
لاني هخلي مرتب المدرس 5000 جنيه
هزرع نص الصحرا بتاعة مصر و المحصول يتوزع
و هفرق النص التاني بالتساوي علي كل اسرة
هقعد في الحكم سنة فقط
هلغي الضرايب و قانون الطوارئ
هعلق المسئولين السابقين في ميدان التحرير
هخش الرئاسة حافي و هطلع حافي و علي عينك يا تاجر
مــــش هطلـــــــــب غيــــــــر طلــــــــــــب واحـــــــــــــــــــــد
تضمنولي خروج كريم آمن من السلطة
بمعني
ما موتش مسموم و لا مقتول
و لا متنحي عن طريق الفيسبوك
و ما تروحوش ميدان التحرير قبل السنة ما تخلص بيومين
و تقعدوا بقا تقولوا
الشعب يريد اسقاط هاني
ارحل يعني امشي ... هوا انت ما بتفهمشي؟
هـــــــــا ايــــــــــــــه رأيكــــــــــــــــــــم ؟
طب لو كل واحد فيكو بقا رئيس ... برنامجو هيبقا ايه ؟
اظن محدش هيعمل زي منا هعمل
انتخبوني بقا الله يخليكوا
 الموضوعالأصلي : انتخبونى ... رئيسا للجمهورية المصدر : منتديات أحلى كلام https://a7lakalam.ahlamontada.net |
|
