هاني نوفل
عدد المساهمات : 637
تاريخ التسجيل : 22/03/2011
 | موضوع: عايزين رااااااااااااااااااااااااااااااااااجل ؟  الأحد مايو 22, 2011 9:39 am | |
| أطرح سؤال .. أتمني أن أجد له اجابة !!!
هيا مصر مافيهاش راااااااااااجل ؟؟؟؟؟؟؟؟
ــــــــــــــــــــــــــــــــــــــــــــــ
بمعني : أين العقول المصرية ؟؟؟ عايز أشوف حد عبقري يحل و يربط !!
ايه ؟؟؟ مافيش ؟؟؟
اللي أعرفه ... و أفهمه ... و أستوعبه ... إن اللي قد وظيفة يشتغلها
و اللي مش أدها ... يروح يقعد جنب أمه !
شايف قدامى زخم رهيب ... مصر كلها مترشحة لرئاسة الجمهورية
و لم أر واحد منهم لديه حل غير عادى لمشكلة من مشاكل مصر الغير عادية !!
مليون واحد عايز يبقا رئيس جمهورية ... مليون واحد عايز يبقا رئيس وزرا
مليون مصري عايز يبقا نقيب معلمين ... وزير تعليم ... وزير داخلية ...
مليون مصري عايز يعمل حزب ... مليون مصري عايز يباشر حقوقه السياسية
حتي انا كنت عاوز اترشح للرئاسة
ملايين مملينة ... صفر ع الشمال
حكومة ... (( سواء كانت تسيير أعمال أو غيره ))
هتموت ع المناصب ... أخرهم يحي الجمل ... اللي بيقول
انه وتد مستحيل يتشال من منصبه !!!!!!!!!!
غريب جدا لما تفشل في حل مشكلة بطريقة معينة خاطئة
تيجي تحاول تاني تحلها تقوم تستخدم نفس الطريقة الخاطئة !!!
نفس الوجوه و العقليات القديمة تحتل كل الوزارات المصرية الآن !!
ــــــــــــــــــــــــــــــــــــــــــــــــــ ــــــــــــــ
عصام شرف ... على راسي من فوق
راجل محترم ... رومانسي ... هادي ... مطاطي راسه
حلو أوي
ينفع قديس ...أو شيخ في جامع
ما ينفعش رئيس وزرا
هوا مافيش وسط في مصر ؟
يا يحكمنا ديكتاتور .... يا يحكمنا حد لا يحل و لا يربط ؟؟؟
ــــــــــــــــــــــــــــــــــــــــــــــــــ ــــــــ
مصر عايزة رااااااااااااااااااااااااااجل
راجل يعرف يمسك العصاية م النص
و معاه فريق وزرا غير عاديين
عندهم حلول غير عادية
لمشاكلنا الغير عادية
تيجي تسأل حكومة تسيير الاعمال
عملتوا ايه
يقولك ... احنا تسيير !!!!!!!
هنعمل ايه يعني في الظروف اللي احنا فيها
ــــــــــــــــــــــــــــــــــــــــــــــــــ ــــــــــــــــــ
طب حضرتك شايف انك مش بايدك حاجة
قاعد ليه ؟؟؟؟؟؟؟؟؟
معتقدش ان مصر مافيهاش راجل
... ينفع رئيس ... و بيعرف يحلم !!!!!!!!
حد عنده طريقة تانية
ــــــــــــــــــــــــــــــــــــــــــــــــــــــــ
يا جماعة
الأوقات الغير عادية ...
تحتاج إلي أشخاص غير عاديين
untraditional man
رجل غير تقليدي
ــــــــــــــــــــــــــــــــــــــــــــــــــ ــــــــــــــــ
البلد عايزة انجاز
مش عايزة عجزة فاشلين
بما اننا في وقت غير عادي ك
فنحن نحتاج شخص غير عادي ... ملهم ... زعيم بمعني الكلمة
لا عمرو موسي و لا برادعي و لا ايمن نور
و لا بسطاويسي و لا صباحي ولا غيره
يدخلوا دماغي بنكلة
دول اشخاص عاديين ... ماينفعوش لمرحلة غير عادية
و اقول لكل المتشائمين
تعالوا بصوا لليابان بعد زلزال كارثة مدمر
محي قري من علي وجه الارض و دمر اقتصاد اليابان
تعالوا شوفوها بعد شهر من الزلزال رجعت اقوي ازاي
ايه السر ف الناس دي ؟؟؟
الحكومة اليابانية و شركات التأمين
اتعلمت من الدروس السابقة
زي اي حد طبيعي بيتعلم من الماضي
شجعت بسرعة الشركات علي رسم خطط للاستمرار لخفض الخساير
و مساعدة اقتصاد اليابان في الانتعاش
ــــــــــــــــــــــــــــــــــــــــــــــــــ ـــــــــــــــــــــــ
عايز حد ف مصر غير عادي يحل مشكلة المرور اليومية المزمنة
عايز حد في مصر ياخد خطوات و يحل مشاكل التعليم و يغير الفكر السائد و بسرعة
عايز حد بتاع أزمات ... يعرف يتعامل ... مش يتنح ... و يروح ياكل فول من عند التابعي
و محدش يقولي احنا طالعين من ثورة !!!!!!!!!
و محدش يقعد يلعن ف الثورة
قولولي مشكلة النظافة في مصر و رصف الطرق و نظافة القاهرة ايه علاقتها بالثورة
و ليه مافيش وزير يتبني القضية دي و يعمل انجاز و طفرة بطرق غير عادية
بعيدة عن الروتين و الورق ... و يعلن حملة مثلا لتنضيف القاهرة و يخليها بتبرق في خلال شهر
ايه المااااااااااااااااااااانع
أصل مستحيل يكون مافيش أمل
ــــــــــــــــــــــــــــــــــــــــــــــــــ ــــــ
شايف ناس كتير كتير عاديييين جدا ... بل أقل من العادي
و مرشحين نفسهم بكل بجاحة لكل المناصب
هل عقمت النساء في مصر ... أن تلد شخص مختلف ؟!!!!!!!!!!!!!  الموضوعالأصلي : عايزين رااااااااااااااااااااااااااااااااااجل ؟ المصدر : منتديات أحلى كلام https://a7lakalam.ahlamontada.net |
|
