يا جماعة مش هينفع كده .. لازم يبقى لنا دور في .........

عدد المساهمات : 637 تاريخ التسجيل : 22/03/2011

يا جماعة مش هينفع كده .. لازم يبقى لنا دور في .........

من زمان وانا أبحث عن أعمال جماعية خدمية
تحتاج إلى إمكانيات بل طاقات بشرية
تعمل لوجه الله تعالى
من أجل رفعة بلدنا الحبيبة مصر.

فمثلاً نفسي أشارك في حملة لنظافة بلدنا
تكون منظمة بحيث يشارك فيها
جميع فئات الشعب المصري
وليكن كلاً أمام بيته في البداية
ثم ننتقل للشوارع والميادين العامة ..

نفسي ما يبقاش فيه تراب في أي مكان به أسفلت ..
بس في البداية ولتوفير الوقت والمجهود المضاعف في النظافة
نحتاج لحملة لسفلتت جميع شوارع مصر بضمير
ولتكن معظمها بالجهود الذاتية
وخاصة في الشوارع والأحياء الشعبية ..

وبعد كده أعتقد لما الناس تحس أنها تعبت وشاركت في شيء هيبقى من الصعب أننا نلاقي حد يرمي حاجة في الشارع اللي هو تعب في تنظيفة وتجميلة ....... وهكذا

بس ازاي نوصل لكده ..
ونخلي كل الشعب يشارك معانا ..
دي أمور تنظيمية سهلة بس محتاجة في البداية نحدد مين هيكون معانا؟
ثم نجتمع لوضع الخطط والبرامج التي تساعدنا على التنفيذ بدقة ونظام

وكمان نفسي أشارك في حملة لمحو الأمية بحق وحقيقي بلا روتين ..

ومشروعات أخرى كثيرة
في جميع المجالات ..
بس نبدأ

والأهم نفسي
كل محافظ ينزل للشارع
ويشوف محافظته محتاجه أيه
وأعتقد أن ناس كتير هتساعدهم في كل مكان
إذا ما عملوا بضمير وراعوا ربنا ..

علشان كده بأقول وبأطالب وأستفسر

ليه مش
بنحاول نقابل كل مسئول بنفسنا ونشكل لجنة
ونعرض عليه
خطط وبرامج قابلة للتنفيذ
وعمل حملات توعية للمواطنين
للمشاركة فيها ..؟

يا جماعة مش هينفع السكوت والسكون أكثر من كده ..

لازم يبقى لنا دور
(نحن ابناء هذا الوطن ونبت هذه الارض الطيبة)
فــــــــــــي كـــــــــــــــــــل ده .........

والفرصة أصبحت مواتية فمعظمنا بدأت اجازته ولايزال هناك القليل منا مرتبط بالتصحيح أو بالثانوية العامة ..

لماذا لا نبدأ من بدري؟
علشان نقدر ننجز حاجة ..
بلدنا محتاجانا ..

محتاجة مخلصين يحبون العمل التطوعي ويعملون للمصلحة العامة من أجل رقي ونهضة حقيقية ..

الموضوعالأصلي : يا جماعة مش هينفع كده .. لازم يبقى لنا دور في ......... المصدر : منتديات أحلى كلام https://a7lakalam.ahlamontada.net