هاني نوفل
عدد المساهمات : 637
تاريخ التسجيل : 22/03/2011
 | موضوع: لغه لا يعرفها غير الشعب المصري .....  الجمعة يونيو 10, 2011 5:43 am | |
| لغه لا يعرفها غير الشعب المصري .....
السلام عليكم ورحمة الله وبركاته
كل سنة وانتوا طيبيبن
بما أن الأمتحانات تقريبا خلصت غير القله لسه
وربنا معاهم جميعا
بس انا عن نفسي خلصت ولاقتني فاضي مفيش
ورايا حاجه أعملها
وأنا مدرس ابتدائي......... طيب أعمل إيه
بدأت الفحص والمحص والتمحيص
ومعلش يعني أصلي مش بحب اقعد فاضي
غاوي تعب بعيد عنكم
فلاقيت ناس بتتكلم اكتر من لغه وباكتر من شكل
اللي بيتكلم عربي ونصه إنجليزي
واللي بيتكلم إنجليزي علي فرنساوي
يعني كوكتيل لغات
وده إسمه بقي التحضر والمدنية
فأنا دورت وقولت طيب واللي بيتكلم لغه لا يقدر علي
تكلمها أي شعب من الشعوب
عرفت أن الشعب المصري البسيط الغير متعلم يمكن ....أو تعليمة علي قده بيتكلم لغه صعبة جدا
عارفين هي ايه ؟؟؟؟
/
/
/
/
/
/
/
/
/
الشعب المصرى هو الوحيد الذى يتكلم لغه فريده لا
يتكلمها شعب اخر حتى من الشعوب
المجاوره
....... طبعا مش اللغه العربيه..... أو لغه المال.... أما هى اللغه ؟؟ ............
...
الهيروغليفيه.........
اه والله العظيم خد عندك
عمركو سمعتو حد بيهدد عياله با(البعبع) غير عندنا فى مصر
أو أم نازله فى إبنها ضرب وتقوله (كخ) غير عندنا فى مصر
طب إيه رأيكو فى الكلام ده أصلو هيروغليفى
كلمه بعبع أصلها بوبو وهو إسم عفريت مصرى قديم كانوا القدماء المصريين يستخدمونه
لتخويف العيال
أما كلمه كخه فهى كلمه هيروغليفيه معناها القذاره
حتى العيال عندنا بيتكلمو هيروغليفى
الواد لما يجوع بيقول مام وأصلها أونم بمعنى أكل
ولما يعطش بيقول أمبو أصلها أمبموا بمعنى أشرب
ولما يتعلم المشى بنقول تاتا تاتا خطى العتبه وتاتا بمعنى إمشى
ويا سلام لما الدنيا تمطر والكل يغنى يا مطره رخى رخى
رخى بمعنى إنزلى بالهيروغليفى
ولما الدنيا تبقى حر بنقول بقت صهد بمعنى نار
ويا محلا الهيروغليفى فى أكلنا لما نقول الفول مدمس أصلها متمس يعنى تسويه الفول
أما كلمه بصاره أصلها بيصروا بمعنى الفول المطبوخ هى هى بريحتها وتقليته ولونها
حبايبى الحلوين بعد هذه الدراسه التاريخيه للغات
إوعي تخلى بعد كده أي واحد يتعمل علينا ويقول انا عارف لغات ....نقوله إحنا بقي نعرف هيروغليفى هنقولك لا
كخ يا قمر روح إتعلم لغات الأول وبعدين كلمنى
هههههههههههههههههه معلش بقي
حاجه كده علي الماشي
كل سنة وانتوا طيبين
 الموضوعالأصلي : لغه لا يعرفها غير الشعب المصري ..... المصدر : منتديات أحلى كلام https://a7lakalam.ahlamontada.net |
|
**شعاع الامل**
عدد المساهمات : 40
تاريخ التسجيل : 24/06/2011
| | موضوع: رد: لغه لا يعرفها غير الشعب المصري ..... الجمعة يونيو 24, 2011 2:41 am | |
| |
|
