هاني نوفل
عدد المساهمات : 637
تاريخ التسجيل : 22/03/2011
 | موضوع: كـشـك الـثــــــــــــــــورة...........  الجمعة يونيو 10, 2011 8:52 am | |
|
كشك الثورة طبعا الثورة غيرت حاجات كتير فى مصر كفاية انها طهرت البلد من الفساد
لكنها غيرت معاها حاجات جوانا بس للأسوأ منها:
عدم احترام القانون – ضياع هيبة الدولة
هحكى لكم حكاية واقعيه من أرض الواقع
فى واحد بيبيع فاكهة على الرصيف كده هى مصدر رزقه بيفرش كل يوم بكرتونة تفاح أو فراولة
وأهى ماشية والناس بتشترى منه ومفيش مشاكل إلا بعض المناوشات بينه وبين بتوع المجلس أو اشغالات الطريق كل كام يوم تنتهى بصلح قصير الأمد لحد كده جميل ماقلناش حاجة
المهم من كام اسبوع كده لقيت أنوار كتير على الرصيف وكشك مكان الراجل ما بيقف كشك جديد ومهون ومزوق ومكتوب عليه (كشك الثورة )
المهم بقول للفكهانى:
ألف مبروك يا عم كويس انك عرفت تجيب ترخيص للكشك الراجل الفكهاني ضحك كده وقالى: انت طيب أوى يا أستاذ مفيش تراخيص دلوقتى اللى بيقدر على حاجة يعملها واللى يطول حاجة ياخدها عملت كده .........
قلت له: ازاى بس؟
قالى: هقولك سر الخلطة : إحشر إسم الثورة فى اى حاجة هتتفتح لها كل الأبواب المقفولة
قلت له: إزاى بس ده تعدى على الطريق العام وكده انت بتاخد حق الناس اللى بتستخدم الرصيف ومتقدرش تمشي فى الشارع خاصة انه شارع عمومي
قالى : بص يا أستاذ محدش هيقدر يقرب لمسمار هنا وإلا هيبقي عدو الثورة
دى ثورة يا أستاذ مش لعب عيال
وهو ده فهم الراجل البسيط للثورة وزيه ملايين المصريين البسطاء اللى محتاجين حد يوعيهم
ايه هى حقوقهم وواجباتهم
ايه اللى ليهم وايه اللى عليهم
 الموضوعالأصلي : كـشـك الـثــــــــــــــــورة........... المصدر : منتديات أحلى كلام https://a7lakalam.ahlamontada.net |
|
**شعاع الامل**
عدد المساهمات : 40
تاريخ التسجيل : 24/06/2011
| | موضوع: رد: كـشـك الـثــــــــــــــــورة........... الجمعة يونيو 24, 2011 2:41 am | |
| |
|
