هاني نوفل
عدد المساهمات : 637
تاريخ التسجيل : 22/03/2011
 | موضوع: حــــزب لكــــل مواطــــن !!!!!!!!!!  الجمعة يونيو 03, 2011 9:15 am | |
|
حزب لكل مواطن
حزب الكرامة
حزب الوسط
حزب العدالة
حزب التنمية والاصلاح
حزب الوفاق
حزب الحق المصري
حزب المواطن المصري
حزب المصريين الاحرار
حزب الوحدة الوطنيه
حزب الست سنيه
وعجمية
وشوقيه
ايه اللى بيحصل فيكى يامصر هو احنا اما يكون عندنا حزب واحد والباقى كومبارس
او يكون عندنا احزاب كتييييييير ولكنها مصابة بالسكتة الحزبية هنعمل ايه بالاحزاب دى كلها
هل الشارع السياسي فى مصر يحتمل كل هذا الزخم الحزبي هل هذه الاحزاب لديها برنامج بالفعل
اما أن حمى الاحزاب أصابت الجميع وكل أصبح يبحث له عن دور
أما بالنسبة للكلام فى السياسة فحدث ولا حرج اما نصمت ولا يكون لنا صوتا واما نتكلم ولا نصمت أبدا
الكل يتكلم ويتكلم ولا يصمت ابدا ( اللى مالهمش فيها بيفتوا واحنا معاهم)
تقعد فى اى مكان تلاقى الكل بيفتى ياسلام واللى ملوش رأى بقي له اتنين ياسلام بقي لما اتنين يختلفوا
وتقلب خناقة تشوف اسوأ درجات الفوضى وده يخلينى أسألكم وأسأل نفسي معاكم هل احنا فعلا مؤهلين للديمقراطية أم اننا لا نقبل الرأى الآخر . هل عند كل واحد منا استعداد يتقبل رأى الأغلبية حتى لو تعارض مع رأيه ام سيحدث مثلما حدث حين حدث عند الاستفتاء على الدستور وبعد أن جاءت نتيجة الاستفتاء بنعم تم الالتفاف على إرادة الشعب وطالبنا باعداد دستور جديد
الخلاصة اننى أرى ضجيجا فى الحياة السياسية لامعنى له وأرى صراعات تحتدم سوف تؤدى بنا إلى مزيدا من الفوضي وأخشي ما أخشاه ألا تستقر بنا الأمور ونظل ندور فى دوائر مفرغة
حمى الله مصرنا الحبيبة من كل سوء
يارب احمى مصر
واخيرا كلمة الي حبيبتي:
ماتزعليش يامصر اصلك مش بتاعت الشعب انتي بتاعت ربنا وربنا هو اللي هايحميكي بس ربنا بيعاقب الشعب اللي فعلا مش عارف قيمتك ولا عارف يحافظ عليك عليكي انتي انتي الوحيده اللي علي وجه الارض ربنا ذكرك في كتابه العظيم المجيد القرأن الكريم
 الموضوعالأصلي : حــــزب لكــــل مواطــــن !!!!!!!!!! المصدر : منتديات أحلى كلام https://a7lakalam.ahlamontada.net |
|
